“Turan” Çempionlar Liqasında Bolqarıstan təmsilçisi ilə qarşılaşacaq
Bakı, 3 noyabr, AZƏRTAC
Bu gün qadın voleybolçulardan ibarət "Turan" komandası CEV Çempionlar Liqasında növbəti oyununa çıxacaq.
AZƏRTAC xəbər verir ki, Azərbaycan çempionu III təsnifat mərhələsində Bolqarıstanın "Maritsa" klubunun qonağı olacaq.
Plovdivdəki qarşılaşma Bakı vaxtı ilə saat 20:30-da start götürəcək.
Komandalar arasında cavab görüşü noyabrın 11-də baş tutacaq.
Qeyd edək ki, “Turan” II təsnifat mərhələsində Xorvatiyanın “Mladost” kollektivini hər iki oyunda məğlub edib – 3:0, 3:2.
Bölmənin digər xəbərləri
