Samuxda yeni yaşıllıqlar salınıb
Samux, 4 noyabr, AZƏRTAC
Samuxda 8 Noyabr – Zəfər Günü münasibətilə növbəti ağacəkmə aksiyası təşkil olunub.
AZƏRTAC-ın bölgə müxbirinin verdiyi məlumata görə, aksiyada rayon icra hakimiyyətinin başçısı, hüquq-mühafizə orqanlarının rəhbərləri, idarə, müəssisə və təşkilatların əməkdaşları, şəhid ailələrinin üzvləri, rayon ictimaiyyətinin nümayəndələri iştirak ediblər.
Rayon ərazisində ümumilikdə 2000-ə yaxın ağac və gül kolları əkilib. Əkilən tinglərin əsas hissəsini zeytun və badam ağacları təşkil edib. Tinglərin normal inkişafını təmin etmək məqsədilə ərazidə damlama-suvarma sistemi quraşdırılıb. Mövcud yaşıllıqların dibləri yumşaldılıb və onlara aqrotexniki qaydalara uyğun qulluq göstərilib.
Aksiyanın keçirilməsində məqsəd rayonun ekoloji vəziyyətinin yaxşılaşdırılmasına, ətraf mühitin qorunmasına, yaşıllıqların sayının artırılmasına töhfə verməkdir.
Bölmənin digər xəbərləri
