Ombudsmanın nümayəndəsi Dövlət İqtisad Universitetində çıxış edib
Bakı, 13 iyun, AZƏRTAC
Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva tərəfindən elan edilmiş “İnsan Hüquqları Aylığı” çərçivəsində Azərbaycan Dövlət İqtisad Universitetinin (UNEC) müəllim və tələbələrinin iştirakı ilə hüquqi maarifləndirmə tədbiri təşkil olunub.
Bu barədə AZƏRTAC-a Ombudsman Aparatından bildirilib.
Tədbirdə çıxış edən Ombudsman Aparatının Beynəlxalq təşkilatlar və vətəndaş cəmiyyəti institutları ilə əməkdaşlıq şöbəsinin sektor müdiri Müqalib Mahmudov ölkəmizdə insan hüquq və azadlıqlarının səmərəli müdafiəsi istiqamətində həyata keçirilən genişmiqyaslı fəaliyyət, o cümlədən məhkəmədənkənar hüquq müdafiə mexanizmi olan Ombudsman təsisatının bu sahədə gördüyü işlər barədə ətraflı məlumat verib.
İnteraktiv formada keçən tədbirdə iştirakçılarla hüquq düşüncəsinin və hüquq mədəniyyətinin inkişafı üzrə müzakirələr aparılıb və onlar tərəfindən verilən suallar cavablandırılıb.
Bölmənin digər xəbərləri
