OMBUDSMAN BUDAPEŞT KONFRANSINDAN QAYITMIŞDIR

13.05.2004 [17:01]
Çap et
A⁺ A^-

Azərbaycan Respublikasının insan hüquqları üzrə müvəkkili Elmira Süleymanova Macarıstanda səfərdə olmuşdur. O, mayın 10-da Macarıstan parlamentində keçirilən, bu ölkənin ombudsman təsisatının yaradılmasının onuncu ildönümünə həsr olunmuş beynəlxalq konfransda iştirak etmişdir. Konfransa həmin ölkənin, o cümlədən Rusiya Federasiyası subyektlərinin, Litvanın, Qırğızıstanın, Polşanın və digər ölkələrin ombudsmanları və insan hüquqları üzrə mütəxəssisləri qatılmışlar.

Ombudsman aparatından AZƏRTAC-a bildirmişlər ki, bu mötəbər məclisdə “Milli azlıqların müdafiəsində ombudsmanın rolu” mövzusu müzakirə olunmuşdur. Konfransı Macarıstan parlamentinin vitse-prezidenti Ferens Vekler açmış, ölkənin insan hüquqları üzrə müvəkkili Barnabas Lenkoviç təsisatın on il ərzində fəaliyyəti haqqında məruzə ilə çıxış etmişdir.

Azərbaycan ombudsmanı Elmira Süleymanovanın məruzəsinin mətni konfrans iştirakçılarına paylanmışdır. Məruzədə Azərbaycana qarşı uzunmüddətli erməni təcavüzü, ölkəyə və onun əhalisinə vurulmuş maddi və mənəvi ziyan, torpaqlarımızın 20 faizinin zəbt olunması, əhalinin bir milyon nəfərinin qaçqına və məcburi köçkünə çevrilməsi, onların əsas insan hüquqlarının kütləvi şəkildə pozulması, son illərdə ölkədə insan hüquqlarının təmin olunmasının təkmilləşdirilməsi, ombudsman təsisatının yaradılması və fəaliyyəti barədə ətraflı məlumat verilmişdir.

OMBUDSMAN BUDAPEŞT KONFRANSINDAN QAYITMIŞDIR

MÜƏLLİFLƏ ƏLAQƏ

Bölmənin digər xəbərləri