Britaniya demoqrafik dönüş dövrünə daxil olur
London, 5 yanvar, AZƏRTAC
Böyük Britaniyada demoqrafik baxımdan mühüm dönüş nöqtəsi yaxınlaşır.
AZƏRTAC “The Independent”ə istinadla xəbər verir ki, “Resolution Foundation”ın proqnozuna görə, 2026-cı ildən etibarən ölkədə ölənlərin sayı doğulanların sayını üstələyəcək və bu fərqin növbəti 50 il ərzində artacağı gözlənilir.
Məlumata görə, doğum səviyyəsinin azalması Birləşmiş Krallığı əhali artımı baxımından miqrasiyadan daha asılı vəziyyətə sala bilər. Bu proqnoz, “Office for National Statistics”in ötən il açıqladığı və miqrasiyanın 2032-ci ilə qədər əhalinin 5,9 faiz artımında əsas rol oynayacağını göstərən hesablamalarından cəmi altı ay sonra səsləndirilib.
Son statistikalar Böyük Britaniyaya miqrasiyanın səviyyəsində azalma tendensiyasını göstərir. Doğum və ölüm nisbətlərindəki dəyişikliklər, eləcə də dövlət xərclərinin artması fonunda analitiklər əmək qabiliyyətli əhalinin sayının azalacağı, vergilərin yüksələ biləcəyi və siyasi mühitin daha həssas hala gələ biləcəyi barədə xəbərdarlıq edirlər.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
