AZƏRBAYCAN EKOLOQLARI ÜÇÜN QRANTLAR
Avropa Birliyinin və bir sıra beynəlxalq təşkilatların maliyyələşdirdiyi və iqamətgahı Tbilisidə olan “Qafqaz” reional ekologiya mərkəzi (REM) Cənubi Qafqaz ölkələri arasında ətraf mühitin mühafizəsi və içməli suyun keyfiyyətinin yaxşılaşdırılması üzrə ən yaxşı layihə müsabiqəsində qalib gəlmiş Azərbaycan ekologiya təşkilatlarına qrantlar vermişdir. Qrantları ABŞ-ın ətraf mühitin mühafizəsi agentliyi ayırmışdır.
“Qafqaz” REM-in qrantlar üzrə əlaqələndiricisi Mətləb Həsənov mərasimdə bildirmişdir ki, əsas məqsədi müxtəlif təbiəti mühafizə və maarifçilik tədbirlərinin həyata keçirilməsi olan layihələrin hazırlanmasında Azərbaycan ekoloqları daha fəal iştirak etməlidirlər.
Ölkənin müxtəlif bölgələrində gerçəkləşdiriləcək layihələr ekoloji monitorinqlərin, maarifçilik tədbirlərinin keçirilməsinə, təmizləmə işlərinin, alternativ enerji mənbələri sahəsində tədqiqatların aparılmasına yönəldilmişdir.
Tədbirdə bildirilmişdir ki, bu yaxınlarda Bakıda “Qafqaz” regional ekologiya mərkəzinin nümayəndəliyi açılacaqdır.
Bölmənin digər xəbərləri
