ALMAN EKSPERTLƏRİ AĞGÖL QORUĞUNDA TƏDQİQATLARA BAŞLAMIŞLAR
Almaniyanın Mixail Zukkov Təbiəti Mühafizə Fondunun ekspertləri Ağcabədi rayonundakı Ağgöl dövlət qoruğunda ətraf mühitin vəziyyətini öyrənməyə başlamışlar. Ekologiya və Təbii Sərvətlər Nazirliyinin mətbuat mərkəzindən bildirmişlər ki, suyun nümunəsi araşdırıldıqdan sonra Fond özünün işləyib hazırladığı “Ağgöl qoruğunun xilas edilməsi” layihəsini həyata keçirməyə başlamaq niyyətindədir. Bu, onun Azərbaycanda həyata keçirəcəyi ilk layihədir. Azərbaycan tərəfindən layihənin əlaqələndiricisi Ekologiya və Təbii Sərvətlər Nazirliyidir. Qoruq 1964-cü ildə, su quşlarının qışlamasını təmin etmək və su-bataqlıq ekosisteminin mühafizəsi üçün yaradılmışdır.
“Ağgöl qoruğunun xilas edilməsi” layihəsini həyata keçirmək üçün Ekologiya və Təbii Sərvətlər Nazirliyində komissiya yaradılmışdır.
Bölmənin digər xəbərləri
