“Ericsson” 1600 işçisini ixtisar edəcək
Bakı, 15 yanvar, AZƏRTAC
“Ericsson” şirkəti İsveçdə daha 1600 nəfəri işdən çıxaracaq.
AZƏRTAC xəbər verir ki, bu barədə şirkətin məlumatında bildirilir.
Qeyd olunur ki, bu addım qlobal xərclərin azaldılması planının bir hissəsi olaraq atılır. Şirkət artıq bununla bağlı həmkarlar ittifaqları ilə danışıqlara başlayıb.
“Ericsson”un, eyni zamanda, mühüm investisiyaları və əməliyyatlarda səmərəliliyin artırılması təşəbbüslərini davam etdirəcəyi bildirilib.
Xatırladaq ki, şirkət 2023-cü ilin əvvəlində də xərclərin azaldılması planının bir hissəsi olaraq dünya miqyasında 8500 nəfəri ixtisar edəcəyini, o cümlədən həmin il İsveçdə 1400, 2024-cü ildə isə 1200 nəfəri işdən çıxaracağını açıqlamışdı.
Bölmənin digər xəbərləri
