Astanada “Workout City” başlayır
Astana, 19 iyun, AZƏRTAC
Qazaxıstanın paytaxtı Astana şəhərində “Workout City” genişmiqyaslı idman layihəsi start götürür.
AZƏRTAC xəbər verir ki, bu çərçivədə şəhər sakinləri və qonaqlar üçün üç ay ərzində “Street Workout” üzrə pulsuz açıq məşqlər təşkil ediləcək.
Layihə “Qanun və qayda” aksiyası çərçivəsində həyata keçirilir.
Küçə məşqləri proqramı 22 iyun-22 sentyabr tarixlərini əhatə edir.
Yaşından və fiziki hazırlıq səviyyəsindən asılı olmayaraq hər kəs məşqlərdə iştirak edə bilər.
Layihənin təntənəli açılış mərasimi iyunun 21-də Astananın Mərkəzi Parkında keçiriləcək.
Tədbir çərçivəsində peşəkar idmançıların möhtəşəm nümunəvi çıxışları, müsabiqələr və xüsusi qonaqlarla motivasiya görüşləri planlaşdırılıb.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
