Xırdalanda baş verən partlayışda 4 nəfər xəsarət alıb
Xırdalan, 3 avqust, AZƏRTAC
Abşeron rayonu, Xırdalan şəhərində yerləşən beşmərtəbəli yaşayış binasının üçüncü mərtəbəsində baş vermiş partlayış nəticəsində xəsarət alanlar var.
AZƏRTAC xəbər verir ki, 1986-cı il təvəllüdlü Orxan Əhmədov və 1981-ci il təvəllüdlü Cavid Həsənzadə baş, boyun, hər iki yuxarı və aşağı ətrafların ikinci və üçüncü dərəcəli termiki yanıq xəsarətləri ilə Nərimanov Tibb Mərkəzinə yerləşdirilib.
Hazırda onların vəziyyətləri ağır sabitdir.
Hadisə nəticəsində yaralanan digər 2 nəfərdən biri travma, biri isə tüstüdən boğulma səbəbi ilə Kliniki Tibbi Mərkəzə yerləşdirilib.