Türkiyədə zəlzələ olub
İzmir, 7 sentyabr, Günel Karatepe, AZƏRTAC
Türkiyənin Balıkesir vilayətində 4,9 bal gücündə zəlzələ baş verib.
AZƏRTAC Türkiyənin Fövqəladə Halların İdarə Olunması Agentliyinə (AFAD) istinadla xəbər verir ki, yeraltı təkanların episentri Balıkesirin Sındırqı rayonudur.
Yerli vaxtla saat 12:35-də qeydə alınan zəlzələnin ocağı yerin 7,72 kilometr dərinliyindədir.
Yeraltı təkanlar Balıkesirin mərkəzi hissəsi də daxil olmaqla, bölgədəki bir çox vilayətdə hiss olunub.
Zəlzələ ilə bağlı açıqlama verən Türkiyənin daxili işlər naziri Ali Yerlikaya sahə araşdırmalarına başlanıldığını bildirib.
AFAD-dan verilən açıqlamada hazırda zəlzələ ilə bağlı hasısa mənfi halın aşkarlanmadığı qeyd edilib.
Xatırladaq ki, avqustun 10-da eyni bölgədə 6,1 bal gücündə zəlzələ olub və artıq bir aydır burada yeraltı təkanlar davam edir.
Bölmənin digər xəbərləri
