TÜRK İŞ ADAMLARI İLƏ GÖRÜŞ
Fevralın 7-də Türk Sənayeçi və İş Adamları Beynəlxalq Cəmiyyətində (TUSİAB) ölkəmizdə rəsmi səfərdə olan Türkiyə Böyük Millət Məclisinin sədri Bülənt Arınç və onu müşayiət edən nümayəndə heyəti ilə görüş keçirilmişdir.
AZƏRTAC xəbər verir ki, görüşdə türk iş adamları öz fəaliyyətləri barədə qonaqlara ətraflı məlumat verdilər. Cəmiyyətin idarə heyətinin sədri Həmid Bozqurd Azərbaycanda iş adamları üçün heç bir problemin olmadığını diqqətə çarpdırdı.
Çıxış edənlər Bakı-Tbilisi-Qars dəmir yolu layihəsinin həyata keçirilməsinin iki ölkə arasında iqtisadi münasibətlərin inkişafına xeyli təkan verəcəyini bildirdilər.
Bülənt Arınç Azərbaycan ilə Türkiyə arasında siyasi, iqtisadi, mədəni və başqa sahələrdə əlaqələrin, ölkələrimizin münasibətlərinin qibtə ediləcək yüksək səviyyədə olduğunu bəyan etmişdir.
Sonda Türkiyə Böyük Millət Məclisinin sədri Bülənt Arınça xatirə hədiyyəsi təqdim edildi.
Bölmənin digər xəbərləri
