Texasda neft hasilatı bərpa edilib
Bakı, 24 fevral, AZƏRTAC
Havaların normal vəziyyətə qayıtmasından sonra Texasda xam neft istehsalı bərpa olunub.
AZƏRTAC xəbər verir ki, bölgədəki istehsalçılar neft hasilatının 80 faizini bərpa edib.
Texasdakı ən böyük 4 neftayırma zavodunun yenidən işə düşməsinin isə bir neçə həftə çəkəcəyi bildirilib.
Qeyd edək ki, ötən həftə ABŞ-da havaların kəskin soyuması neft hasilatına ciddi təsir etmişdi. Belə ki, ABŞ-da xam neft istehsalı 40 faiz, 4 milyon barreldən çox azalmışdı. Qeyri-sabit hava şəraiti Texasda xam neft istehsal edən müəssisələrin fəaliyyətinə də təsir etmişdi. Boru kəmərlərinin operatorları fors-major vəziyyət elan etmişdi.
Bölmənin digər xəbərləri
