TƏHLÜKƏ ARADAN QALDIRILIR
Yazın yağmurlu keçməsi ilə əlaqədar Qazax rayonundakı Coğaz çayının üzərində 200 milyon kubmetr tutumu olan eyniadlı su anbarında suyun səviyyəsi qalxmış və təhlükəli vəziyyət yaranmışdır.
Rayon fövqəladə hallar komissiyasının sədri Tofiq Əhmədov AZƏRTAC-ın müxbirinə bildirmişdir ki, görülən operativ tədbirlər nəticəsində anbarda suyun səviyyəsi aşağı salınmışdır. Təhlükənin tam aradan qaldırılması üçün digər tədbirlər də görülür.
