TALLİNNDƏKİ XİLASKAR ƏSGƏR ABİDƏSİ SÖKÜLƏCƏK
AZƏRTAC İTAR-TASS-a istinadla xəbər verir ki, Tallinnin faşistlərdən azad edilməsi uğrunda döyüşlərdə həlak olmuş sovet əsgərlərinin qardaşlıq məzarının köçürülməsinə bu yaxınlarda başlanılacaqdır. Bunu Estoniyanın Baş naziri Andrus Ansip bildirmişdir.
O, dövlət televiziyası və radiosuna rus dilində verdiyi müsahibədə demişdir ki, məzarın köçürülməsinin dəqiq vaxtını bir sıra texniki məsələlər həll olunduqdan sonra bildiriləcəkdir.
A.Ansipin sözlərinə görə, Xilaskar əsgər abidəsi Tallinn hərbi qəbiristanına köçürüləcəkdir. O demişdir: “Əsgər Tallinn hərbi qəbiristanında əbədi dayanacaqdır”.
Bölmənin digər xəbərləri
