SUMQAYITIN ELEKTRİK TƏCHİZATI YAXŞILAŞDIRILIR
AZƏRTAC-ın müxbiri xəbər verir ki, 220 kilovoltluq “Yaşma” hava xəttində təmir-bərpa işləri başa çatmış, 220 kilovoltluq “Sənayeqovşağı” yardımçı stansiyasında isə hazırlıq işləri sona yetmişdir. Buradan istilik elektrik mərkəzlərinə çəkilmiş yeni hava xəttinin Sumqayıt üçün böyük əhəmiyyəti vardır.
110 kilovoltluq Sumqayıt yardımçı stansiyasında 26 MVA-lıq transformator 80 MVA-lıq transformatorla əvəz olunmuşdur. 1 nömrəli istilik elektrik mərkəzindən 80 MVA-lıq transformatorun yardımçı stansiyaya köçürülməsi şəhərin elektrik təchizatını xeyli yaxşılaşdıracaqdır. Bununla bərabər, şəhər enerji təsərrüfatının maddi-texniki bazasının möhkəmləndirilməsi üçün böyük iş görülmüş, elektrik kabelləri dəyişdirilmiş, transformatorlar təzələnmişdir.
Bölmənin digər xəbərləri
