“ŞİMAL” DRES-Ə DAİR DANIŞIQLAR DAVAM EDİR

09.10.2004 [11:19]
Çap et
A⁺ A^-

“Azərenerji” Səhmdar Cəmiyyətinin mətbuat xidmətindən AZƏRTAC-a bildirmişlər ki, “Şimal” DRES-də ikinci buxar-qaz qurğusunun (BQQ) tikintisi layihəsinə dair Yaponiyanın Beynəlxalq Əməkdaşlıq Bankı (YBƏB) ilə aparılan danışıqlar keyfiyyətcə yeni səviyyəyə çıxmışdır. Buna Yaponiya bankı rəhbərliyinin Azərbaycanın energetika sektorunun vəziyyətinin tədqiqinə dair yekun hesabatla tanışlığı kömək etmişdir.

Regionun yüksək iqtisadi inkişaf sürətini və elektrik enerjisi istehlakının müvafiq artımını nəzərə alaraq, “Şimal” DRES-də 400 meqavat gücündə ikinci BQQ-nin inşası milli elektroenergetika sahəsi inkişafının perspektiv planlarına daxil edilmişdir. Mütəxəssislərin fikrincə, bunun üçün təqribən 300 milyon dollar vəsait gərək olacaqdır.

Bundan əvvəl YBƏB “Şimal” DRES-in ərazisində 400 meqavat gücündə BQQ–nin tikintisinə kredit ayırmışdır. Bu qurğunun MDB məkanında misli yoxdur.

“ŞİMAL” DRES-Ə DAİR DANIŞIQLAR DAVAM EDİR

MÜƏLLİFLƏ ƏLAQƏ

Bölmənin digər xəbərləri