SƏFƏR BAŞA ÇATDI
Kazan şəhərinin 1000 illiyi ilə əlaqədar yubiley tədbirlərində və MDB-nin üzvü olan ölkələrin dövlət başçılarının zirvə görüşündə iştirak edən Azərbaycan Prezidenti İlham Əliyev avqustun 27-də Tatarıstan paytaxtına səfərini başa çatdırmışdır.
Prezident İlham Əliyevi Kazan hava limanında Tatarıstan Respublikası Dövlət Şurasının sədri Fərid Muxametşin, MDB-nin icraçı katibi Vladimir Ruşaylo, Rusiya xarici işlər nazirinin müavini Boris Karasin, Azərbaycanın Rusiyadakı səfiri Ramiz Rizayev və digər rəsmi şəxslər böyük hörmət və ehtiramla yola saldılar.
X X X
Dövlətimizin başçısı İlham Əliyev həmin gün Bakıya qayıtdı. Azərbaycan Prezidentini Heydər Əliyev adına beynəlxalq hava limanında Baş nazir Artur Rasizadə, Prezidentin İcra Aparatının rəhbəri Ramiz Mehdiyev, Bakı Şəhəri İcra Hakimiyyətinin başçısı Hacıbala Abutalıbov və digər rəsmi şəxslər qarşıladılar.
Bölmənin digər xəbərləri
