ŞAMAXIDA REGİONAL GÖRÜŞ KEÇİRİLMİŞDİR

05.07.2004 [13:28]
Çap et
A⁺ A^-

AZƏRTAC-ın müxbiri xəbər verir ki, Şamaxı şəhərində “Yoxsulluğun azaldılması və iqtisadi inkişaf üzrə Dövlət Proqramı” (2003-2005-ci illər) çərçivəsində “İctimai maarifləndirmə və yayım proqramı” ilə əlaqədar regional görüş keçirilmişdir.

Dövlət Proqramı katibliyinin təşəbbüsü və “Ümid” humanitar və sosial dayaq mərkəzinin təşkilatçılığı ilə keçirilən tədbirdə Qobustan, Şamaxı, İsmayıllı və Ağsu rayonlarından ictimaiyyət nümayəndələri iştirak etmişlər. Görüşdə təhsil, sosial müdafiə, ekologiya, turizm və enerji sektorları üzrə görülmüş işlər və nəzərdə tutulmuş planlar müzakirə olunmuşdur.

Görüş ABŞ Beynəlxalq İnkişaf Agentliyinin, BMT İnkişaf Proqramının və Almaniya Texniki Əməkdaşlıq Təşkilatlarının maliyyə dəstəyi ilə keçirilmişdir.