QAXDA TƏBİİ FƏLAKƏT
Rayon Fövqəladə Hallar Komissiyasından AZƏRTAC-ın müxbirinə bildirmişlər ki, təbii fəlakət nəticəsində Qaradolaq kəndində 300 hektardan artıq taxıl sahəsi tamamilə yararsız hala düşmüş, xeyli ev quşu tələf olmuş, vətəndaşların şəxsi əmlakı, evlər ciddi zıyan çəkmişdir.
Güclü leysan nəticəsində Zaqatala rayonunun ərazisindən axan Muxax çayındakı sahilbərkidici bəndin bir hissəsi uçmuş, nəticədə Qax rayonunun Zəyəm və Tasmalı kəndlərini su basmış, Şotavar, Qorağan, Almalı və Qıpçaq kəndlərindəki tütün və qarğıdalı əkilmiş sahələrə də böyük ziyan vurmuş, Ləkit çayı üzərindəki körpü uçmuşdur.
Təbii fəlakətlə əlaqədar Qax Rayon İcra Hakimiyyətində operativ qərargah yaradılmışdır. Hazırda operativ qərargahın və rayon Fövqəladə Hallar Komissiyasının üzvləri yerlərdə təbii fəlakətin nəticələrinin aradan qaldırılması üçün zəruri tədbirlər həyata keçirirlər. Dəymiş zərərin miqdarı müəyyənləşdirilir.
Bölmənin digər xəbərləri
