PELE ÖZ BÜSTÜNÜ AÇMIŞDIR
Bu, “Santos” və “Yuventus” klubları arasında görüşdə olmuşdur. Pele topu qapıya vurmazdan əvvəl eyni fəndlə üç rəqibi bir-birinin ardınca aldatmışdır. Bu fəndi Braziliyada “sombrero” adlandırırlar. Həmin fəndi yerinə yetirən futbolçu topu rəqibin başı üzərindən aşıraraq, onun yanından keçir və topun yerə dəyməməsi üçün onu ayağı ilə saxlayır.
Stadionda büstün açılış mərasimində Pele tribunaya yaxınlaşaraq işarə ilə bildirdi ki, bir az səbir edin. Bir neçə dəqiqədən sonra top Peleyə ötürüldü və o, topu sinəsinə qəbul edərək, özünün üç “sombrero”sunu təkrarladı. Gurultulu və sürəkli alqışlar stadionu lərzəyə gətirdi.
Bölmənin digər xəbərləri
