PEKİNDƏ TÜKLÜ DAŞ NÜMAYİŞ ETDİRİRLƏR
AZƏRTAC xarici KİV-lərə istinadla xəbər verir ki, Pekində qeyri-adi ekspozisiya açılmışdır. Buraya gələnlərə tüklü (insan tükünə oxşar) daş təqdim olunmuşdur.
Hamar və girdə boz metal rəngli təbii daş çaydaşına oxşayır. Daşı “saçlarla” birləşdirən nazik “baş dərisi” təbəqəsi var. Saçlar çaldır və rənginə görə daşın özünə oxşayır, təbii olaraq təpədən böyüyür, təxminən 15 santimetr uzunluğundadır və insan saçlarından bir qədər coddur.
Bu qeyri-adi daş dəniz sahilində tapılmışdır. “Fashion Rock cafe” müəssisəsinin sahibi bildirmişdir ki, həmin cisim “saçyetişdirən daş” adlanır. Hələlik şərait normaldır, saçlar uzanmaqda davam edir. Bu vaxtadək iki belə tapıntı məlumdur və hər ikisi Tayvan Muzeyindədir.
Qeyri-adi daşı Pekinin Çjunqun rayonundakı “Fashion Rock cafe”də nümayiş etdirirlər. Uzunluğu 30, eni 20, hündürlüyü isə təxminən 15 santimetr olan daşın qiyməti, ekspertlərin fikrincə, təqribən 10 milyon yuandır (1,3 milyon dollar).
Bölmənin digər xəbərləri
