PEKİNDƏ ANMA MƏRASİMİ
Yanvarın 20-də Azərbaycan Respublikasının Çin Xalq Respublikasındakı səfirliyində 20 Yanvar faciəsinin on beşinci ildönümü münasibətilə tədbir keçirilmişdir. Tədbirdə Azərbaycan Respublikasının ÇXR-dəki səfirliyinin əməkdaşları, Pekində təhsil alan azərbaycanlı tələbələr və Çində müvəqqəti fəaliyyət göstərən bir sıra azərbaycanlı iş adamları iştirak etmişlər.
Tədbirdə 20 Yanvar faciəsinin başvermə səbəblərindən danışılmış və həmin günün ölkəmizin tarixində Azərbaycanın müstəqilliyi uğrunda mübarizədə qəhrəmanlıq səhifəsi kimi mühüm əhəmiyyət kəsb etdiyini vurğulamışdır.
Mərasimdə Azərbaycanın müstəqilliyi uğrunda canlarını qurban vermiş şəhidlərimizin xatirəsi bir dəqiqəlik sükutla anılmış və 20 Yanvar faciəsinə həsr olunmuş film nümayiş etdirilmişdir.
Həmin gün tədbir iştirakçıları Pekin məscidini ziyarət etmiş və orada axundlar tərəfindən şəhidlərimizin ruhuna dualar oxunmuşdur.
Bölmənin digər xəbərləri
