“Neftçi” Polşada ilk yoxlama görüşünə çıxır
Bakı, 16 iyul, AZƏRTAC
Yeni mövsümə hazırlıqlarını Polşada davam etdirən “Neftçi” bu gün təlim-məşq toplanışı çərçivəsində ilk yoxlama oyununu keçirəcək.
AZƏRTAC xəbər verir ki, Samir Abasovun başçılıq etdiyi kollektiv İsrailin “Hapoel” (Təl-Əviv) klubu ilə qarşılaşacaq. Matç Bakı vaxtı ilə saat 19:00-da start götürəcək.
Xatırladaq ki, hazırlıq prosesi çərçivəsində “ağ-qaralar” daha üç sınaq görüşü keçirəcək. Paytaxt təmsilçisi iyulun 22-də Polşanın “Termalika”, iyulun 27-də Yunanıstanın “Asteras”, avqustun 1-də isə Kiprin AEL komandası ilə üz-üzə gələcək.
Bölmənin digər xəbərləri
