NAMİZƏDLƏRİN QEYDƏ ALINMASI BAŞA ÇATMIŞDIR
Dairə seçki komissiyasından AZƏRTAC-ın müxbirinə bildirmişlər ki, bələdiyyə üzvlüyünə namizədlərin qeydə alınması işi artıq başa çatdırılmışdır. İmza vərəqələri verilmiş vətəndaşlardan 398 nəfərinin bələdiyyə üzvlüyünə namizədliyi qeydə alınmış, 18 nəfərin sənədləri isə müvafiq təlimatlara uyğun tərtib edilmədiyi üçün geri qaytarılmışdır. Namizədliyi qeydə alınanların 205 nəfəri Yeni Azərbaycan Partiyasının, 27 nəfəri digər ictimai-siyasi partiyaların üzvləri, qalanları isə bitərəflərdir.
