MSTİSLAV ROSTROPOVİÇ BMT-NİN XÜSUSİ NÜMAYƏNDƏSİ SEÇİLMİŞDİR
Dünya şöhrətli musiqiçi jurnalistlərə müsahibəsində bildirmişdir ki, hər gün yer üzündə qayğıdan, köməkdən və adi müalicədən məhrum olan yüzlərlə uşaq ölür. Onların əksəriyyəti bəşəriyyəti ciddi təhlükə qarşısında qoymuş QİÇS xəstəliyinə yoluxmuş günahsız uşaqlardır. Bu müdhiş bəlanın müalicəsi yalnız səhiyyənin problemi deyil, eyni zamanda, insan hüquqlarının və ədalətin fundamental məsələsidir.
Mstislav Rostropoviç bu işin onun üçün yeni olmadığını, SSRİ-nin süqutundan sonra keçmiş postsovet məkanında uşaqların sağlamlığı ilə ciddi maraqlandığını və bu sahədə fəaliyyət göstərdiyini bildirmiş, gənc nəslin sağlamlığına ciddi diqqət yetirəcəyini xüsusi vurğulamışdır.
Bölmənin digər xəbərləri
