MƏNƏVİ DƏYƏRLƏR VƏ TƏLƏBƏ HƏYATI
Tibb Universitetində “Tələbə dünyası” silsilə tədbirlər çərçivəsində “Milli mənəvi dəyərlər və tələbə həyatı” mövzusunda diskussiya keçirilmişdir.
2001-ci il avqustun 13-də Azərbaycan Prezidenti Heydər Əliyevin milli-mənəvi dəyərlərimiz, adət-ənənələrimiz və əxlaqi dəyərlərimiz haqqında Bəyanatında irəli sürülən müddəaların yerinə yetirilməsi istiqamətində Universitetin keçirdiyi diskusiyada “Azərbaycan Ensiklopediyası” Nəşriyyat-Poliqrafiya Birliyinin baş direktoru, filologiya elmləri doktoru İsmayıl Vəliyev, universitetin professorları Surxay Musayev, Əkrəm Zeynalov və Mədəniyyət və İncəsənət Universitetinin dosenti Ağalar Bayramov iştirak edirdilər.
Maraqlı keçən diskussiyada qeyd edildi ki, bizim hər birimiz öz milli-mənəvi dəyərlərimizi, adət-ənənələrimizi, mentalitetimizi, ata-babalarımızın bizə miras qoyub getdikləri əxlaqi keyfiyyətlərimizi bütün istiqamətlərdə qoruyub saxlamalıyıq və gənc nəsli əsrlər boyu sınaqlardan kecmiş bu mənəvi, əxlaqi dəyərlər ruhunda tərbiyələndirməliyik.
Axırda maraqlı sual verən və diskussiyada fəal iştirak edən tələbələrə mükafatlar təqdim olundu.
Bölmənin digər xəbərləri
