MADRİDDƏ 15 TON HƏŞİŞ TUTULMUŞDUR
AZƏRTAC-ın xüsusi müxbiri xəbər verir ki, İspaniya polisi uğurlu əməliyyat keçirərək, ölkənin paytaxtı Madriddən 22 kilometr şərqdə yerləşən Arqonda del Rey yaşayış məntəqəsindəki anbarların birində 10 böyük çəlləkdə gizlədilmiş 15 ton həşiş tutmuş və bu işdə şübhəli bilinən 10 nəfəri həbs etmişdir.
Əməliyyata rəhbərlik edən polis komissarı bu il ikinci dəfə belə böyük miqdarda narkotik maddənin tutulduğunu bildirmişdir.
Xatırladaq ki, İspaniya polisi oktyabr ayında ölkənin Alqesiras limanında 26 ton narkotik maddə tutmuşdu.
Bölmənin digər xəbərləri
