KXDR XƏRCLƏRİ ARTIRIR
AZƏRTAC-ın İTAR-TASS-dan aldığı xəbərə görə, KXDR energetika, metallurgiya, kömür sənayesi və dəmir yol nəqliyyatına xərcləri artırır. 11-ci çağırış KXDR Ali Xalq Məclisinin 5-ci sessiyasında təsdiq edilmiş büdcəyə görə, milli iqtisadiyyatın bu dörd öncül sahəsinin maliyyələşdirilməsi ötən illə müqayisədə 11,9 faiz artacaqdır.
Bu il elm və texnika səhəsinə 60 faiz çox vəsait xərclənəcəkdir. Parlament müəssisələrin ümumi gəlirlərinin 2 faizini texnoloji layihələrin hazırlanmasına yönəldilməsini nəzərdə tutan qanunu bəyənmişdir.
Bundan əlavə, cari ildə təhsil xərcləri 7 faiz, səhiyyə xərcləri 9,8 faiz, sosial proqramlara çəkilən xərclər isə 9,4 faiz artırılmışdır.
Bölmənin digər xəbərləri
