KUBA BOKSÇULARI MİLLİ KOMANDADAN QAÇMIŞLAR
AZƏRTAC informasiya agentliklərinə istinadla xəbər verir ki, Kuba boksçuları - Olimpiya çempionları Yan Bartelemi, Yuriorkis Qamboa və Odlanyer Solis Panamerika oyunlarına hazırlaşmaq üçün Venesuelaya gələn milli yığmanın məşq düşərgəsindən qaçmışlar.
Onlar yanvarın 19-da qaçsalar da, harada olduqları hələ də məlum deyildir.
Güman edildiyinə görə, hər üç boksçu öz qüvvələrini peşəkarlar rinqində yoxlamaq niyyətindədir. Onlardan ağırçəkili boksçu Solis daha çox maraq doğurur. Odlanyer 91 kiloqramadək çəki dərəcəsində Olimpiya və üçqat dünya çempionudur.
Bu, Kuba yığmasından boksçuların qaçdığı ilk hal deyildir. Əvvəllər Diobelis Urtado, Xorxe Luis Qonsales, Ramon Qarbi, Joel Kasamayor, Xuan Karlos Qomes də öz peşəkarlıq karyerasına bu üsulla başlamışlar. Kasamayor və Qomes hətta dünya çempionları olmuşlar.
Bölmənin digər xəbərləri
