KORLAR ÜÇÜN İSLAMA DAİR KİTABLAR
Bu günlərdə Kazandaki “Süleyman” məscidinin kitabxanasına korlar üçün 100-dən çox kitab, o cümlədən Quran, təfsirlər, hədislər, islam inancları, şəriət qaydaları haqqında kitablar gətirilmişdir.
AZƏRTAC Rusiya KİV-lərinə istinadla xəbər verir ki, Səudiyyə Ərəbistanı Krallığının paytaxtı Ər-Riyad şəhəri korlar cəmiyyətinin Brayl əlifbası ilə hazırladığı bütün bu kitablar məscidin tədris hissə müdiri Məlikə Gelmuddinovaya həcc ziyarəti zamanı verilmişdir.
Mərhəmət və zəiflərə kömək göstərmək arzusu M.Gelmuddinovanı jestlər dilini öyrənməyə və müstəqil surətdə nadir metodik vəsaitlər hazırlamağa sövq etmişdir. Məlikə xanım bir neçə ildir kor müsəlmanlara İslam dərsi deyir. O, Brayl əlifbasını öyrəndikdən sonra korlar üçün Quranın təfsiri üzərində işləməyə başlamışdır.
Belə kitablar hətta Səudiyyə Ərəbistanında çətinliklə tapılır. Hazırda bu kitabları tatar dilinə və başqa dillərə tərcümə etmək imkanı yaranmışdır.
Bölmənin digər xəbərləri
