KAZBEQİDƏ CANAVAR ADAM YEMİŞDİR
AZƏRTAC-ın xüsusi müxbiri xəbər verir ki, Gürcüstanın yüksək dağlıq Kazbeqi rayonunda son illər canavarların sayı həddindən çox artmışdır. Buna ölkədə canavar ovunun qadağan edilməsi şərait yaratmışdır.
Yerli əhalinin bununla əlaqədar Ətraf Mühitin və Təbii Sərvətlərin Mühafizəsi Nazirliyinə təcili tədbir görülməsi ilə bağlı müraciəti hələ də cavabsızdır. Canavarlar isə yüzlərlə ev heyvanını məhv edir, bununla kifayətlənməyərək, indi də adamları yeyir. Bu günlərdə bir nəfər kazbeqili yırtıcıların qurbanı olmuşdur.
Bu bölgədə canavar artıq ikinci adamı yeyir. Bir il öncə Duşetidə 12 yaşlı uşağı da canavar qapıb öldürmüşdü. Kazbeqililər burada qırmızı rəngli canavarların da peyda olduğunu söyləyir, iqtidardan təcili tədbirlər görməsini xahiş edirlər.
Bölmənin digər xəbərləri
