Kanada yeni baş nazirini seçir
Vaşinqton, 28 aprel, AZƏRTAC
Kanadada növbədənkənar parlament seçkiləri keçirilir.
AZƏRTAC-ın məlumatına görə, seçkilərdə 16 partiya iştirak edir və qalib partiyanın lideri Kanadanın yeni baş naziri olacaq.
Kanadada 6 saat qurşağı mövcud olduğundan müxtəlif məntəqələr müxtəlif saatlarda seçicilərin üzünə açılacaq. Belə ki, paytaxt Ottavada səsvermə yerli vaxtla 9:30-da (Bakı vaxtilə 17:30), Vankuverdə 7:00-da (Bakı vaxtilə 18:00) açılır. Bu il kanadalılar tariflər, iqtisadi qeyri-müəyyənlik və ABŞ-dan gələn ilhaq təhdidləri ilə kölgədə qalan seçki üçün bazar ertəsi seçki məntəqələrinə getdilər.
Seçicilər müvəqqəti baş nazir Mark Karniyə tam dördillik mandat verilməsi və ya Liberal Partiyasının doqquz ildən artıq fəaliyyətindən sonra Mühafizəkarlar Partiyasının hakimiyyətə gəlməsi ilə bağlı qərar verəcəklər.
Seçkilər ABŞ-ın yüksək vergilər, iqtisadi qeyri-müəyyənlik və ABŞ-ın Kanadanı 51-ci ştat elan etməsi fonunda baş verir və bunların seçkilərə təsiri gözlənilir.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
