İSTİOT XƏRÇƏNG HÜCEYRƏLƏRİNİ ÖLDÜRÜR
Alimlər tədqiqatlar nəticəsində kapsaitsinin ağciyər və mədəaltı vəzi xərçəngi hüceyrələrinə təsirini öyrənmişlər. Məlum olmuşdur ki, kapsaitsin xərçəng hüceyrələrini öldürərkən sağlam hüceyrələrə toxunmur.
Tədqiqatın rəhbəri Timoti Beyts demişdir: “Bu maddələr şiş hüceyrələrini lap “ürəyindən” vurduğundan, düşünürəm ki, hər cür xərçəng xəstəliyinin zəif yerini tapmışıq. Xərçəng hüceyrələri mitohondrinlərinin biokimyası normal hüceyrələrin biokimyasından çox fərqlənir. Bu, xərçəng hüceyrələrinin zəif yeridir”. Beləliklə, kapsaitsin dozası normal hüceyrələrə təsir göstərmir.
Tədqiqat müəlliflərinin fikrincə, gələcəkdə kapsaitsin və ona bənzər maddələrin əsasında xərçəngə qarşı səmərəli preparatlar yaradıla bilər. Kapsaitsinin çox işlənən məhsulların tərkibində olması onun sağlamlıq üçün təhlükəsizliyinə sübutdur və yeni dərmanların yaradılması prosesini tezləşdirə bilər.
Bölmənin digər xəbərləri
