İRAQ PARLAMENTİNDƏ TERROR
AZƏRTAC xarici informasiya agentliklərinə istinadla xəbər verir ki, aprelin 12-də İrak parlamentinin binasında, deputatların nahar etdikləri kefedə güclü partlayış olmuşdur. İlkin məlumatlara görə, partlayış nəticəsində üç nəfər, o cümlədən iki deputat həlak olmuş, 10-dan çox adam yaralanmışdır.
İraq parlamentinin, hökumətin, eləcə də ABŞ və Böyük Britaniya səfirliklərinin yerləşdiyi “Yaşıl zona” adlanan ərazi Bağdadın mərkəzindədir. Həmin ərazi ABŞ və İraq ordusu tərəfindən güclü mühafizə olunur. Bu ərazidə olan Amerika vətəndaşlarından və səfirliyinin əməkdaşlarından xəsarət alan yoxdur.
Məlumatlara görə, bu, aprelin 12-də İraqın paytaxtında baş verən ikinci güclü partlayışdır. Səhər saatlarında isə Dəclə çayı üzərindəki Sərrafiyyə körpüsü partladılmış, nəticədə 10 nəfər ölmüş, 26 adam yaralanmışdır. Yerli hüquq mühafizə orqanlarının məlumatına görə, partlayışı bomba yerləşdirilmiş avtomobili idarə edən intiharçı-terrorçu həyata keçirmişdir. Partlayış nəticəsində körpünün polad konstruksiyası dağılmış və bir neçə avtomobil çaya düşmüşdür.
Bölmənin digər xəbərləri
