İRANDA GÜCLÜ ZƏLZƏLƏ BAŞ VERMİŞDİR

08.05.2006 [13:52]
Çap et
A⁺ A^-

AZƏRTAC Frans Press Agentliyinə istinadla xəbər verir ki, İranın cənub-şərqində, Kirman əyalətində Rixter cədvəli ilə 5,2 bal gücündə zəlzələ olmuşdur. Yerli hakimiyyət orqanlarının məlumatına görə, 80 adam zərər çəkmiş, onlardan 20 nəfəri müxtəlif dərəcəli zədələrlə xəstəxanaya qoyulmuşdur. Yeraltı təkanlar zamanı şaxtada olan fəhlələrin uçqunlar altında qalması təhlükəsi var.

Zərənd şəhərində zəlzələ nəticəsində xeyli ev zədələnmişdir. Yerli hakimiyyət orqanları hesab edirlər ki, evlərin yarısından çoxunu bərpa etmək mümkün olmayacaqdır.

2003-cü ilin dekabrında Kirman əyalətinin Bam şəhərində son illərdə ən güclü zəlzələ baş vermişdi. Ötən ilin fevralında Zərəndə zəlzələ nəticəsində 600-dən çox adam, 2006-cı il martın axırlarında isə ölkənin qərbində 70 nəfər həlak olmuşdur.

İRANDA GÜCLÜ ZƏLZƏLƏ BAŞ VERMİŞDİR

MÜƏLLİFLƏ ƏLAQƏ

Bölmənin digər xəbərləri