GÜRCÜSTANDA 240 MİNƏDƏK NARKOMAN VAR
AZƏRTAC-ın xüsusi müxbiri xəbər verir ki, Gürcüstan Bərabərlik İnstitutunun məlumatına görə, ölkədə 240 minədək narkoman var. İnstitutun liderləri Laşa Çxartişvili, Levan Qoqiçaşvili və David Dalakişvili mətbuat konfransında bildirmişlər ki, narkotik maddələr alveri Gürcüstanda indiki qədər asan olmamışdır. Onlar Daxili İşlər Nazirliyində bilavasitə narkomaniyaya qarşı mübarizə aparan 80 əməkdaşdan yarısının ixtisar olunmalarına da etriaz etmişlər. İnstitutun üzvləri fevralın 23-də Gürcüstan Dövlət Dəftərxanasının binası qarşısında aksiya keçirərək, iqtidardan lazimi tədbirlər görülməsini tələb etmişlər. İnstitut əməmkdaşlarının fikrincə, əks təqdirdə, ölkəni fəlakət gözləyir.
Bölmənin digər xəbərləri
