GÜRCÜSTAN QAZAXISTANDAN QAZ ALACAQDIR
Gürcüstan Prezidenti Mixail Saakaşvili qazaxıstanlı həmkarı ilə danışıqlardan sonra mətbuat konfransında bildirmişdir: “Biz faktiki olaraq Qazaxıstan qazının idxalına dair razılığa gəldik. Gürcüstan ilk dəfə olaraq bu qış elektrik enerjisi qıtlığı hiss etməyəcəkdir. Belə ki, qaz istehlakını iki dəfə artıracağıq”.
Danışıqlarda iki ölkə arasında yük daşımalarına da toxunulmuş, bu sahədə əməkdaşlığı genişləndirməyin qarşılıqlı surətdə faydalı olacağı vurğulanmışdır.
“Gürcüstan Dəmir Yolu” MMC-dən verilən məlumata görə, son vaxtlar dəmir yolu vasitəsilə Qazaxıstana yük daşınması xeyli artmışdır. Əgər ilyarımda Gürcüstanın dəmir yolu vasitəsilə Qazaxıstana cəmi 400 vaqon yük göndərilmişdisə, cari ilin təkcə avqustunda bu göstərici 323 vaqon təşkil etmişdir”.
Bölmənin digər xəbərləri
