FRANSADA RUANDA SOYQIRIMI ARAŞDIRILIR

24.12.2005 [16:43]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, Fransa Hərbi Tribunalının prokuroru soyqırımda, yaxud bəşəriyyət əleyhinə cinayətdə iştirak etməklə bağlı bu ölkənin ordusuna qarşı yönəldilmiş iddia üzrə istintaqın başlandığını elan etmişdir. İstintaq Ruanda qaçqınlarının iddiası üzrə aparılacaqdır.

Tutsi xalqına mənsub 6 nəfərin qaldırdığı iddiaya görə, Fransa hərbçiləri 1994-cü il soyqırımı zamanı xutu tayfasına mənsub yaraqlılara nəinki öz himayəsi altında olan tutsiləri məhv etməyə imkan vermiş, hətta özləri də zorakılıq və qətllər törətmişlər.

BMT-nin himayəsi altında keçirilən “Türkiaz” hərbi-humanitar əməliyyatı çərçivəsində ötən ilin avqustunda Ruandada təxminən 2,5 min fransız hərbçi yerləşdirilmişdi. Onlar ölkənin cənub-qərbində təhlükəsizlik zonası yaratmalıydılar.

BMT-nin məlumatına görə, xutu ekstremistlərinin törətdikləri soyqırımı zamanı 800 min tutsi, habelə xeyli mötədil xutu məhv edilmişdir.