DMANİSİ RAYONUNDA MƏSCİD TİKİLİR
Dmanisi rayonu əhalisinin əksəriyyəti azərbaycanlılardır. Sovet hakimiyyəti illərində burada bir dənə də olsun dini ibadət ocağı yox idi. Gürcüstan müstəqillik qazandıqdan sonra dmanisili azərbaycanlılar da özlərinə məscid tikməyi qərara almışlar.
AZƏRTAC-ın xüsusi müxbiri xəbər verir ki, rayonun Hamamlı kəndində baxımsızlıqdan uçub-dağılmış uşaq bağçasını məscidə çevirmək qərara alınmışdır.
Burada dini ibadət yeri ilə yanaşı, mədrəsə və kompüter mərkəzi də fəaliyyət göstərəcəkdir.
Qafqaz Müsəlmanları İdarəsinin maliyyə dəstəyi ilə tikilən məscid bu ilin oktyabrında istifadəyə veriləcəkdir.
