DİŞLƏRİN QAZLI DÜŞMƏNİ
AZƏRTAC xarici KİV-lərə istinadla xəbər verir ki, alkoholsuz qazlı içkilərin əksəriyyəti dişlərin minası üçün son dərəcə təhlükəlidir. Kolanın (məsələn, Coka-Cola və yaxud Pepsi-Cola) dağıdıcı potensialı meyvə şirəsindən 10 dəfə çoxdur.
Cənubi İllinoys Universitetinin alimləri keçirdikləri çox sadə eksperiment nəticəsində belə qənaətə gəlmişlər. Bu məqsədlə 20 adda alkoholsuz içki, o cümlədən pəhriz içkisi (yəni şəkərsiz) alınmışdır. Yenicə açılmış bankadan dişin yenicə çıxarılmış minasının üstünə bir neçə damcı içki tökmüşlər. Minanın əvvəlki və sonrakı çəkisi yoxlanılmışdır. Müəyyən edilmişdir ki, minanın çəkisi 1,6-5 faiz azalmış, onun ən qorxulu düşmənləri Coca-Cola, Pepsi-Cola, 7 Up və Diet 7 Up sayılmışdır ki, (onların təsiri altında diş minası 5 faizdən artıq “arıqlamışdır”) bu da həmin içkilərdə turşuluğun yüksək olması ilə bağlıdır.
ABŞ İçki İstehsalçıları Assosiasiyasının məlumatına görə, 2003-cü ildə hər bir amerikalı 46 qallon alkoholsuz içki (1 qallon 3,78 litrdir) və 22 qallon süd içmişdir. Halbuki 1966-cı ildə həmin nisbət əksinə idi: 33 qallon süd və 20 qallon limonad.
Bölmənin digər xəbərləri
