DAŞKƏNDDƏ NOVRUZ ŞƏNLİKLƏRİ KEÇİRİLİR
AZƏRTAC-ın xüsusi müxbiri xəbər verir ki, Daşkəndin mərkəzindəki Əlişir Nəvai adına parkda Novruz bayramı təntənəli şəkildə qeyd edilmişdir. Şənlikdə ictimaiyyətin nümayəndələri, hökumət üzvləri, deputatlar, səfirlər, beynəlxalq təşkilatların mümayəndələri, ədəbiyyat və incəsənət xadimləri, jurnalistlər iştirak etmişlər.
İştirakçıları Özbəkistan prezidenti İslam Kərimov salamlamış, bu əziz gün münasibəti ilə onları təbrik etmişdir. Prezident demişdir:” Üç min illik tarixi olan Novruz bizim ən əziz və sevimli bayramımızdır. Novruz həm də təbiətin oyanması, mənəvi saflıq bayramıdır”.
Bir neçə gündür ki, paytaxtın küçə və müydanlarında Novruz bayramı münasibəti ilə müxtəlif tədbirlər keçirilir. Daşkəndin Babur parkında isə milli mədəniyyət mərkəzləri böyük Novruz şənliyi keçirmiş, burada Azərbaycan diasporunun üzvləri də iştirak etmişlər. Azərbaycan Mədəniyyət Mərkəzləri Assosiasiyası “Azəri” uşaq rəqs ansamblının üzvləri bir-birindən gözəl rəqslərimizi ifa etrmiş, qonaqlar şəkərbura, paxlava, qoğal və digər şirniyyatlarımızın dadına baxmışlar.
Bölmənin digər xəbərləri
