CORC BUŞ DANİMARKANI DƏSTƏKLƏYİR

08.02.2006 [13:36]
Çap et
A⁺ A^-

AZƏRTAC-ın İTAR-TASS-dan aldığı xəbərə görə, ABŞ Prezidenti Corc Buş Danimarkanın Baş naziri Anders Foq Rasmussenə telefonla zəng edərək, onun ölkəsi ilə “həmrəy olduğunu və onu dəstəklədiyini” bildirmişdir. Belə ki, Danimarka qəzetlərindən biri Məhəmməd Peyğəmbərə karikaturalar dərc etdikdən sonra bu ölkənin müsəlman dövlətlərindəki səfirlikləri basqınlara məruz qalmışdır.

Ağ evin rəsmi nümayəndəsi Skott MakKlellanın məlumatına görə, Buş və Rasmussen razılığa gəlmişlər ki, “bütün tərəflər dözümlülük göstərməli, zorakılıqdan çəkinməli və dialoqa çalışmalıdırlar”.

ABŞ dövlət katibinin köməkçisi Daniel Fridin fikrincə, Qərb ölkələrinin hökumətləri kütləvi informasiya vasitələrində hər hansı çıxışlara görə üzr istəməməlidir, çünki Qərbdə mətbuat azaddır. Frid bir sıra müsəlman ölkələrində zorakılığa və iğtişaşlara görə təqsiri onların hakimiyyət orqanlarının üzərinə atmışdır.

CORC BUŞ DANİMARKANI DƏSTƏKLƏYİR

MÜƏLLİFLƏ ƏLAQƏ

Bölmənin digər xəbərləri