ÇOBAN CANAVARIN CƏHƏNGİNİ CIRMIŞDIR
AZƏRTAC “İnterfaks” agentliyinə istinadla xəbər verir ki, Qazaxıstanın qərbindəki Kurmanqazı rayonunun sakini canavarla əlbəyaxa döyüşdə yırtıcının cəhəngini cırmışdır. Rayon xəstəxanası cərrahiyyə şöbəsinin müdiri Bekbolat Əmirxanov bildirmişdir ki, canavar 50 yaşlı çoban Talap Şoketayevə sürünü otararkən hücum etmişdir.
Çoban demişdir ki, canavarı görəndə yerlisinin vəhşi heyvanı köhnə çöl üsulu ilə öldürdüyünü xatırlamışdır. O, canavarın dilini heyvan taqətdən düşənədək tutub saxlamışdır. Bu, təxminən bir saat davam etmişdir. Canavar çobanı dişləmiş, lakin o, heyvanın cəhəngini cıraraq onu öldürmüşdür.
Talap Şoketayev hazırda ambulatoriya şəraitində müalicə olunur.
Bölmənin digər xəbərləri
