BÖYÜK ÇİN SƏDDİ BİR DƏ ÖLÇÜLƏCƏK
AZƏRTAC Sinxua agentliyinə istinadla xəbər verir ki, Çin hökuməti Böyük Çin Səddinin dəqiq uzunluğunu, habelə planını və hazırkı vəziyyətini müəyyən etmək üçün böyük coğrafi tədqiqatlara başlamaq niyyətindədir.
Səddin Min sülaləsinin (1368-1644-cü illər) təxminən 300 illik hakimiyyəti dövründə tikilmiş hissəsinin tədqiqi 2007-ci ilin aprelinədək başa çatacaqdır. Tikilinin 5 min kilometrlik bu hissəsi daha yaxşı qalmış və öyrənilmişdir. Növbəti iki il ərzində daha əvvəllər inşa olunmuş və az öyrənilmiş hissələr tədqiq olunmuşdur.
Böyük Çin Səddi sonuncu dəfə 1980-ci illərdə tədqiq edilmişdir, lakin texnologiyaların az inkişaf etməsi üzündən tikilinin çox hissəsi öyrənilməmiş qalmışdır. Arxeoloqlar və tarixçilər ölkə hökumətini YUNESKO-nun Dünya mədəni irsinə daxil edilmiş səddin ətraflı planını hazırlamaq üçün ekspedisiyalar təşkil etməyə çağırmışlar.
Xatırladaq ki, Böyük Çin Səddinin inşasına eramızdan əvvəl 3-cü əsrdə Sin sülaləsi dövründə başlanılmışdır.
Bölmənin digər xəbərləri
