Birinci Mövsüm Turizm Bazarı
Noyabrın 15-də Mədəniyyət və Turizm Nazirliyinin dəstəyi ilə Azərbaycan Turizm Assosiasiyası tərəfindən Birinci Mövsüm Turizm Bazarı keçirilib.
AZƏRTAC xəbər verir ki, açılış mərasimində Azərbaycan Turizm Assosiasiyasının icraçı direktoru Aytən Əliyeva tədbirin əhəmiyyətindən danışıb.
Bildirib ki, Birinci Mövsüm Turizm Bazarında ölkəmizdə fəaliyyət göstərən 15 turizm şirkəti və 10 mehmanxana təmsil olunub. Yarmarkanın məqsədi daxili turizmin dəstəklənməsi və təbliği, respublikamızda fəaliyyət göstərən turizm şirkətləri və mehmanxanaların təklif etdiyi ölkədaxili, həmçinin yeni il tur paketlərinin əlverişli şərtlərlə şəhərimizin sakinlərinə və qonaqlarına təqdim olunmasıdır. İstərdik ki, ölkəmizin əhalisi bir məkanda turist şirkətlərinin hazırladıqları çoxsaylı təklifləri əldə edə bilsinlər. Ümid edirik ki, bu ilk keçirilən yarmarka gələcək üçün yaxşı bir nümunə olacaq.
Mövsüm Turizm Bazarının ildə üç dəfə, Yeni il, Novruz bayramı və yay ərəfəsində təşkili nəzərdə tutulub.
Birinci Mövsüm Turizm Bazarında gün ərzində müxtəlif uduşlar keçirilib.
Bölmənin digər xəbərləri
