BƏRDƏ TAXILÇILARI YIĞIMA BAŞLAMIŞLAR
Rayon icra hakimiyyətində AZƏRTAC-ın müxbirinə bildirmişlər ki, aramsız yağışlar taxıl sahələrinə ciddi ziyan vursa da, zəmilərdə bol məhsul yetişdirilmişdir. Görkəmli seleksiyaçı alim, akademik Cəlal Əliyevin bölgədə olarkən verdiyi dəyərli məsləhət və tövsiyələr taxılçılara xeyli kömək göstərmişdir. Bu il fermerlər və torpaq mülkiyyətçiləri 19,293 hektar sahədən məhsul toplayacaqlar. İndiyədək 1,200 hektar sahənin məhsulu yığılmışdır. Rayonda biçin və məhsulun daşınması üçün kifayət qədər texnika və nəqliyyat vasitəsi ayrılmışdır.
X X X
Ağdam, Ağcabədi, Tərtər, Yevlax və Beyləqan rayonlarının taxılçıları da məhsul yığımına hazırlaşırlar.
Bölmənin digər xəbərləri
