BAKI DÖVLƏT UNİVERSİTETİNDƏ GÖRÜŞ
AZƏRTAC-ın müxbiri xəbər verir ki, BDU-nun rektoru, AMEA-nın müxbir üzvü Abel Məhərrəmov qonağı səmimiyyətlə salamlamış, görüş iştirakçılarını onun tərcümeyi-halı ilə tanış etmişdir.
Romano Prodi onun ünvanına söylənən xoş sözlər üçün minnətdarlıq edərək, Qafqaza ilk dəfə gəldiyini bildirmişdir. O, Avropa Birliyinin yeni qonşuluq siyasəti haqqında məlumat verərək demişdir ki, bu proqramda Birliyə daxil olmayan Avropa ölkələri iştirak edirlər. 2004-cü ilin iyunundan hər üç Qafqaz ölkəsi bu proqrama daxildir. Lakin bu, o demək deyil ki, iştirakçı ölkə mütləq Avropa Birliyinə qəbul olunacaqdır. AB Cənubi Qafqaz ölkələrinə regional baxımdan yanaşmır, onların hər birinə fərdi yanaşmağa üstünlük verir. Avropa qonşuluğu siyasəti qloballaşma, dünya iqtisadiyyatına inteqrasiya baxımından Azərbaycan üçün çox əhəmiyyətlidir.
Qonaq Azərbaycan-Ermənistan, Dağlıq Qarabağ münaqişəsinə toxunaraq demişdir ki, məsələnin danışıqlar yolu ilə həllinə üstünlük verir və bu mənada tərəflər arasındakı dialoq onu sevindirir.
Avropa Komissiyasının sədri görüş iştirakçılarının çoxsaylı suallarına cavab vermişdir.
Bölmənin digər xəbərləri
