BAEA-NIN BAŞÇISI KXDR-DƏ MƏSLƏHƏTLƏŞMƏLƏR APARACAQ
AZƏRTAC Assoşieyted Press agentliyinə istinadla xəbər verir ki, Beynəlxalq Atom Enerjisi Agentliyinin (BAEA) başçısı Məhəmməd əl-Baradei bildirmişdir ki, Şimali Koreya məsləhətlər vermək üçün onu Pxenyana dəvət etmşdir.
Baradeinin Şimali Koreyaya tərəflər danışıqların gündəliyini razılaşdırdıqdan sonra martın ortalarında gedəcəyi gözlənilir. BAEA-nın başçısı ümidvar olduğunu bildirmişdir ki, Pxenyan Şimali Koreyanın 2003-cü ildə tərk etdiyi agentliyin sıralarına yenidən qayıtmasına çalışır.
Xatırladaq ki, fevralın 13-də Pxenyan Çin, ABŞ, Rusiya və Yaponiya tərəfindən iqtisadi yardım göstərilməsi əvəzində nüvə sınaqlarını dayandırmağa razılıq vermişdir. Şimali Koreyanın öhdəliklərini yerinə yetirib-yetirməməsinə BAEA-nın nəzarət edəcəyi ehtimal olunur.
Bölmənin digər xəbərləri
