AVSTRİYALILAR BƏDBİNLƏŞİRLƏR

27.12.2005 [22:02]
Çap et
A⁺ A^-

Avstriyalılar getdikcə daha çox bədbinliyə qapılırlar. Onların 68 faizi əmindir ki, 10 ildən sonra həyat daha da ağırlaşacaqdır. AZƏRTAC “Novosti” agentliyinə istinadla xəbər verir ki, bu, Avstriyanın OGM marketinq cəmiyyətinin keçirdiyi ictimai rəy sorğusu nəticəsində məlum olmuşdur.

1999-cu ildə aparılmış analoji tədqiqatın nəticələrinə görə isə, bədbinlər rəy sorğusuna qoşulanların cəmi 50 faizini təşkil etmişdilər.

Marketinq cəmiyyətinin eksperti Peter Hayek sorğunun nəticələrini belə şərh etmişdir: “Avstriyalılar, prinsipcə, son dərəcə şəkkak insanlardır. Getdikcə daha çox adam əmindir ki, gələcəkdə onlar daha qənaətlə dolanmalı olacaqlar.

Rəyi soruşulanların dörddə üç hissəsindən çoxu əmindir ki, 2015-ci ildə ölkədə əcnəbilərin sayı daha da artacaqdır. 49 faizi hesab edir ki, avstriyalıların onlara münasibəti pisləşəcəkdir.

AVSTRİYALILAR BƏDBİNLƏŞİRLƏR

MÜƏLLİFLƏ ƏLAQƏ

Bölmənin digər xəbərləri